Sondela Natuurreservaat (Bela-Bela)

Die grasperke is welig groen, daar is genoegsame koeltebome en die ablusiegeriewe is van ‘n hoë standaard. Daar is sowat 90 standaard kampplekke wat gebruik maak van die gesamentlike ablusiegeriewe. Daar is ook 52 kampplekke wat hul eie privaat ablusiegeriewe het . Al die kampplekke is lekker groot met elektrisiteit en ‘n braaiplek.

Met jou aankoms by Sondela Natuurreservaat se kampterrein, word jy verras met ‘n heerlike koeldrank en pannekoek terwyl ‘n span jou kampplek vir jou opslaan. Jy sal ook ‘n gratis sak ys en hout ontvang sowel as ‘n trekker wildrit vir 4 persone. As dit tyd is om op te pak, sal die span ook jou kampplek vir jou netjies afslaan. Vir jou gerief is daar ‘n warmwater swembad sowel as vele ander attraksies.