Skulpieskraal

Tipe akkomodasie Safari tente
Skulpieskraal Tentkamp het 6 gerieflike tente met elektrisiteit. Drie tente is toegerus met 3 enkelbeddens elk en die ander het elkeen ʼn dubbelbed en een enkelbed. Beddegoed en handdoeke is ingesluit.

Die tente staan op houtdekke onder A-raam skadunet dakke. Kom ontspan en geniet die pragtige sonsondergang en ʼn skemerkelkie op jou houtdek.

Daar is ʼn gemeenskaplike ten volle toegeruste kombuis met ʼn yskas, gasbranders, mikrogolf, eetgerei, breekware, potte, panne, roosters en ander kombuisware. Buite is ook ʼn lekker braai area sou jy ʼn vuurtjie wil aansteek en ʼn vleisie braai. Gaste is ook welkom om ʼn heerlike maaltyd by die Rooispinnekop restaurant te geniet.

Die kamp se ablusiegeriewe met warmwater, storte en spoeltoilette, is uitsonderlik skoon en baie netjies.