4.6/5 - (9 votes)

Rinkhalskop Safari Lodge Inibos Luxury Bush Camp

TIPE AKKOMODASIE: Kampplek & Selfsorg
NAASTE DORP:  Marble Hall 27km
PROVINSIE: Limpopo
OMGEWING:Bosveld Wildplaas
GPS: -24.840866, 29.269906
TARIEWE VANAF: R450 per staan plek Maksimum 4 persone daarna R150 per persoon ekstra

Camping

Kampplek Beskrywing

Kamp Staanplekke 30
Persone Per Staanplek 4
Troeteldiervriendelik Nee
Visvang Nee
Swemplek Kouewater swembad
Grondbedeking Grond/sand
Skaduwee Ja
Toeganklikheid Grondpad
Selfoon Ontvangs Wi-Fi

geen-honde visswemtent karavaan campervan

Rinkhalskop Safari Lodge & Inibos Luxury Bush Camp is in ‘n natuurreservaat aan die voet van die Rinkhalskop berge geleë en word omring deur beeldskone natuurskoon met ‘n verskeidenheid van bome, grasse, voëls en wild. Dit is slegs sowat 2 uur se ry vanaf Pretoria. Kom ontspan in die natuur terwyl jy heerlik ontspan in die Afrika bosveld. Daar is 30 kampplekke, elkeen met sy eie unieke uitsig. Elke staanplek het ‘n geboude braai, waterpunt en 15A elektrisiteit. Die ablusies is pragtig en word goed instand gehou. Daar is ook 3 privaat ablusies (met eie sleutel) vir kampers wat van hul eie privaatheid hou.

Kom geniet ‘n vroeg oggend rit om die wild te besigtig. Daar is kameelperde, nyalas, blou wildebeeste, gemsbokke, impalas, elande, vlakvarke, kudu’s en vele meer wild om te besigtig. Sekere wild soos die impalas and nyalas wei rustig in die kampterrein terwyl jy kamp. Gaste is ook welkom om in die park te stap om die volop voëllewe te besigtig.

Daar is baie vir oud en jonk om te doen. Kom geniet die heerlike swembad terwyl die bosveld sonnetjie heerlik bak. Daar is ook netjiese tuine waar jy kan gaan stap. Die park het ook ‘n winkel en ‘n gemeenskaplike kroegarea met ‘n pooltafel en tv wat uitkyk oor die swembad area. Verder is gaste welkom om te gaan stap, fiets te ry, wild te kyk en net rustig te kamp in die pragtige natuurskoon.

Die lodge bied ook 17 en-suite lodge kamers met ‘n gemeenskaplike kombuis en eetkamer as ‘n selfsorg opsie aan besoekers.

Vanaf Marble Hall neem die Elandslaagte pad, ongeveer 20km vanaf die dorp is die afdraai na Rinkhalskop Safari Lodge op regterkant.