Kimburu Bushcamp (Middelburg)

Kimburu Bushcamp

Kimburu Bushcamp is die ideale selfsorgverblyf vir diegene wat op soek is na ‘n bosveldwegbreek wat nie te ver uit die dorp is nie. Kimburu is 25km vanaf Middelburg op die N11 in die rigting van Loskopdam.

Kimburu Bushcamp bied verskeie verblyf opsies – gesinskamers, dubbel kamers en boma-chalets vir groter groepe. ‘n Gemeenskaplike kombuis en ablusiegeriewe is beskikbaar. Die kombuis is toegerus met ys/vrieskas, gasstoof, mikrogolfoond, ketel, eetgerei en kookgeriewe.
Die hele kamp kan eksklusief bespreek word wat ideaal is vir familiesaamtrekke, afskeidsfunksies, verjaarsdae, kinderpartytjies en reunies. Daar is slaapplek vir 26 gaste. Linne en badhanddoeke word voorsien.

Kimburu Bushcamp het ‘n swembad en gaste moet asseblief net hulle eie swemhanddoeke saambring.

Die plaas bied ‘n rustige, ontspanne atmosfeer. Kinders is welkom om hul eie fietse saam te bring. Kimburu het verskeie diere wat gewoonlik die kinders se aandag trek. Voëlkykers sal die voëllewe geniet en natuurliefhebbers kan rustig die wandelroetes volg.

Kom ontspan en geniet ‘n lafenis om die kampvuur met die tarentale se geroep in die agtergrond. Laat die hoenderhaan jou wakker kraai (of nie)! Kom lê lekker laag en gee jou oor aan die rustigheid van ‘n plaas.

Aanwysings

Vanaf Middelburg volg die N11 rigting Loskopdam / Groblersdal vir 25 km
Kimburu Bushcamp aan jou regterkant

Navrae word direk aan die oord gestuur

Tariewe is onderhewig aan verandering