Infanta Trailers

Infanta Trailers

Video
Wie is Infanta

Infanta 4×4 vervaardig boswaens, karavane en ‘campers.’ Enige buitelug entoesias sal waardeer hoe prakties en gerieflik ons produkte werk! Indien jy belangstel om eers te toets, bespreek gerus ‘n boswa of karavaan om te huur vir jou volgende vakansie. Ons waarborg jou ‘n gemaklike kamp avontuur!

Wat is nuut

 Die nuwe Infanta Enkulu is groot, luuks en reg vir die grondpad.

infanta4x4-6

JW sê hy het die wa eintlik vir  sy private gebruik gebou.

“Dit was my lewensdroom om my eie groot woonwa te bou, presies soos wat ek hom wil hê. En daar staan hy. Hierdie wa is fantasties. Op hierdie stadium gaan hy die Infanta Enkulu heet. Enkulu is die Xhosa-woord vir groot en luuks en daai klas van dinge.” Sodra hy hom gehomologeer en by NATIS geregistreer het, sal JW-hulle met die produksie van nog Enkulus begin. “Maar ek gaan hom eers vat en ten minste 5 000 km op slegte grondpaaie sleep vóór ek hom in die mark gaan sit. Dit is wat ek met al my waens doen. Ek toets hulle eers self en ek toets hulle ordentlik.” Wat die nommers betref is die wa se tarragewig ’n stewige 1 750 kg. “Dit sluit al die ekstras, soos die yskas en lugversorger in,”

infanta-groepfoto“Ek probeer nie mense ’n rat voor die oë draai soos sommer ander vervaardigers nie. Ek is nog nie heeltemal seker oor die BVM nie, maar ek mik daarvoor om dit vas te stel dat ’n mens hom met ’n sleepvoertuig met ’n tarra van meer as 1 950 kg, soos byvoorbeeld met ’n dubbelkajuit Toyota Hilux 4×4, kan sleep.

Die wa het ’n volledige badkamer met ’n stort, badkamer en kassettoilet. Hy het ’n koningingrootte bed wat uitskuif en ’n sitkamergedeelte waar vier mense gemaklik kan sit. Die sitkamer kan ook ’n dubbelbed maak en daar is ’n platskermtelevisie. Sy opslaandak lig 450 mm. Hy is ook toegerus met ’n 14 000 BTU-lugversorger en sonpanele. Dié het ek nie op die dak vasgemaak nie, want ’n mens kamp in die koelte. Jy ry dit dus los saam.”